ན་ནིང་དབྱར་གཞུང་ཞིག་ལ།།
ཆར་བ་ཟམ་ཟིམ་འབབ་དུས།།
བཅོས་མིན་གྱི་འཛུམ་མདངས་སྣུམ་པོ།།
སེམས་ཀྱི་གསེང་ལ་སིམས་སོང་།།
འཇིག་རྟེན་གྱི་གསང་བ་དམར་བོ།
དྲན་འཛིན་གྱི་རུམ་ལ་བཅུག་ནས།
ཁེར་རྐྱང་གི་མིག་ཆུའི་ཀློང་ནས།
སྔར་ལྟར། ངས་ཁྱེད་ལ་རེ་སྒུག་བྱས་ཡོད།
ན་ནིང་དགུན་ཁ་ཞིག་ལ།།
ཁ་བ་མར་མར་འབབ་དུས།།
ཞིམ་མངར་གྱི་སྙིང་གཏམ་སྦྲང་རྩི།།
སེམས་ཀྱི་ཟབ་སར་འཐིམས་སོང་།།
འཚོལ་སྙེག་གི་ལམ་ག་དེ་རུ།
ལོ་ཟླ་དང་ཞག་དུས་འགམ་བཞིན།
ཁེར་རྐྱང་གི་འཚོ་བའི་ཀློང་ནས།
སྔར་ལྟར། ངས་ཁྱེད་ལ་རེ་སྒུག་བྱས་ཡོད།
ན་ནིང་སྟོན་ཀ་ཞིག་ལ།།
ལྡེམ་ལྡེམ་སྙེ་མའི་ཀློང་ནས།།
འགྱུར་མེད་ཀྱི་དམ་ཚིག་མདུད་པ།།
རུས་རྐང་གི་གསེང་ལ་བསྣུན་ཡོད།།
མི་ཁ་ཡི་གཡུལ་ས་དེ་རུ།
སྙན་ངག་གི་བརྗོད་བྱ་འཚོལ་བཞིན།
ཁེར་རྐྱང་གི་རྐང་ལམ་ཁྲོད་ནས།
སྔར་བཞིན། ངས་ཁྱེད་ལ་རེ་སྒུག་བྱས་ཡོད།
ངས་ཁྱེད་ལ་རེ་སྒུག་བྱས

下载链接：

提取码：